گؤزل قیزا ائلچی گلیب بیر گئجه
تا کی او قیز اختیار ائتسین اَری

بیری«حسن» ،مؤمن آدام ، سئومه لی
چیرکین ایدی ، بوم بوش ایدی ال لری

ایکینجی نین آدی«علی» ، چوخ گؤزل
یوخسول ایدی ، کافر و دین دَن بری !

اوچونجونون«جعفر» آدی، وارلی دی
جمالی یوخ،آللاها یوخ باوری !

قیزین آتاسی دئدی:« سَن به یه ن دین 
هانسی نی ای بو عالمین دلبری » ؟

قیز دئدی:« آی آتا باغیشلا منی !
ایسته ییرم « حسنعلی جعفری  ! ! ! !»

غَم دَن، غصّه دَن دولو دور اوره ک

شنلیک بیر قاشیق، غصّه مین کوره ک

میللت پیس گونه دوشوب، داغیلیب

نوخوشا داوا یوخ،ساغلارا چؤرَه ک

زاهد ائله دی ملّتی غارت،دئدی:مرسی
مسجددَه گئدیب آلدی طهارت،دئدی مرسی

نفتین پولونو چکدی یوخاری،چاخیر ایچدی
چون ائیله دی لاپ دفع ملالت،دئدی:مرسی

آج قونشولاری گؤردو ولیکن او حیاسیز
هیچ چکمَه دی بیر ذرّه خجالت،دئدی:مرسی

حؤرمتلی بویوک اوغرولارا بیر کیچیک اوغرو
هر گؤن ائله دی عرض ارادت،دئدی:مرسی

پول آلدی ناماز قیلدی،گؤزل شیخی گؤرَندَه
هم مؤمن و هم اهل ضلالت،دئدی:مرسی

ظلم ائیله دی ارباب رجوعا گئده قاضی
چون گؤردو کی هئچ یوخدو عدالت دئدی مرسی

"پاریس"و "مسکو"هارا؟"اردبیل"،"سراب" کجا؟

ببین تفاوت رَه از کجاست تا به کجا؟

اوروج-ن امازیمی ترک ائیله دیم،بویور ساقی

کجاست دیر مغان و شراب ناب کجا؟

دئدی بو جمله نی بیر مَست،قاچدی مسجیددَن

سَماعِ وعظ کجا،نغمه ی رَباب کجا؟

گئدیردی مسجیدَه واعظ اونا دئدیم :قولاق آس

چراغِ مُرده کجا؟شمع آفتاب کجا؟

رئیسِ اوغرولارا سؤیله دی بیر اوغرو:کیشی

کجا رویم بفرما از این جناب کجا؟

او آروادین اری وار،دوشمَه آردینا گؤزله

کجا همی روی ای دل بدین شتاب کجا؟

بوراخدی آروادینی حافظ و اوتوردو دئدی

خود آن کرشمه کجا رفت و آن عتاب کجا؟

حرام مالی گؤرَنده اؤزمو اؤلدورَه رَم

قرار چیست؟صبوری کجا و خواب کجا؟

دوشونجه : فکیر دیر،انگشت :بارماق

علف اوت دیر، توانستن: باشارماق

نه یاخشی دیر فیکیرسیز زندگالیق

قودوق ائششک کیمین لذّت آپارماق

میللتی سالیب دَردَه

اؤلکه یَه چکیب نردَه
دولت میللته دَردی،
گؤستَریر پَرده پَرده

شیخ ایستیر گوزل اولسون

باش،آیاق،گوز،ال اولسون

آللاها رشوت وئریر

صاباحی گوزل اولسون

اوچماق چیخیب یادیمدان

درد یاغیر فریادیمدان

بیر توتساق گویرچینم

قان آخیر قانادیمدان

قاچمیشام،هی دویده ام که مپرس

درد عشقی کشیده ام که مپرس

سیرتیق،اؤزلو،ادب سیز و گؤتوگئن
دلبری برگزیده ام که مپرس

ده ده می باندیریب،الیندن هی
می رود آب دیده ام که مپرس

کؤپک اوغلو،دله،گدا،اوندان
سخنانی شنیده ام که مپرس

گیزلی گیزلی سامانلیق،آمباردا
لب لعلی گزیده ام که مپرس

غصه لردن اوغول گؤتؤم جیریلیب
رنجهائی کشیده ام که مپرس

ساتمیشام حافظا آداملاری من
به مقامی رسیده ام که مپرس

ایستکلی گؤزل یوردوم،قزوینه سلام اولسون !

من فرهادام اوشیرین،شیرینه سلام اولسون

قزوینه سلام اولسون

تاکستانا،الونده،آبیکه وتاکنده

هرکوچه یَه،هرکنده،

هردینه سلام اولسون

قزوینه سلام اولسون!

اوغلان،کیشی آروادا

هرکیمسه یَه،هرزادا

گؤزیوردو ضیابادا

کاسیبلرینه،پوللو،مسکینه سلام اولسون

قزوینه سلام اولسون!

جنت دی قاقازانی

داغ- داشلاری،هریانی

دشتابی،بوئین زهرا

خوشحال آداما،یورغون، غمگینه سلام اولسون

قزوینه سلام اولسون!

باقلاواسی لاپ شیرین

پسته سی دَه  اعلادیر

لندن دی باراجینی

خیامی اروپادیر

هربیرخیابانینداوار پینه سلام اولسون !

قزوینه سلام اولسون

قزوینه سلام اولسون!